Елези погоди против Радник, Сараево влезе во победничка серија (ВИДЕО)

06 февруари 2026 - 22:04

Сараево ја запиша третата победа по ред во домашниот шампионат, откако вечерва го надигра Радник Бијељина со 2-0 во 20. коло.

Првиот гол за Сараево беше дело на македонскиот фудбалер Агон Елези, кој доби топка во казнениот простор на Радник и потоа стрелаше за 1-0.

Победата на Сараево ја потврди Лука Менало со гол дури во 85. минута од натпреварот, по што Радник не успеа да одговори.

На теренот имаше уште двајца македонски фудбалери, и тоа Стефан Ристовски кој го одигра цел меч за Сараево, додека Иван Николов влезе како замена за Радник.

Сараево е на третата позиција со 32 бодови, односно 11 помалку од Зрињски и Борац Бања Лука.

Фото: Facebook/FK Sarajevo