Синер со порака до Ѓоковиќ: Ти си голема инспирација за младите!

20 ноември 2023 - 07:19

Српскиот тенисер Новак Ѓоковиќ го совлада Јаник Синер со 2-0 во сетови во финалето на завршниот турнир во Торино и така потврди уште еднаш дека е најдобар играч во историјата.

Младиот Италијанец му честиташе на ривалот за победата и седмата титула на завршните турнири на АТП, а воедно кажа дека Ѓоковиќ е инспирација за младите тенисери.

„Му честитам на Ѓоковиќ за успесите. Ти си голема инспирација за нас, за младите. Му честитам на тимот на Новак, секоја чест за нивната работа. Се надевам дека во следните години ќе бидам подобар и ќе можам да се натпреварувам против најдобрите тенисери во светот“, кажа Синер.