Синер обезбеди осминафинале, Медведев се збогува од Монтреал

08 август 2024 - 22:36

Италијанскиот тенисер Јаник Синер без проблеми го совлада Борна Чориќ со 2-0 во сетови, односно 6-2 и 6-4, додека Данил Медведев загуби од Алехандро Давидович Фокина.

Синер во првиот сет направи два брејка и го освои сетот со 6-2, додека во вториот сет му беше доволен само еден брејк за 6-4.

Медведев тргна лошо против Давидович Фокина и го загуби првиот сет со 4-6, по што во следниот возврати со 6-1, но го загуби здивот во третата каде што Шпанецот беше подобар со 6-2.