Последниот поздрав со Јулија Николиќ ќе биде в четврток

12 октомври 2021 - 15:14

Македонската јавност ќе тагува уште долго за големата загуба со смртта на Јулија Николиќ, а нејзините најблиски одредија термин за последен поздрав со некогашната ракометна репрезентативка.

Последниот поздрав со Јулија Николиќ е закажан за в четврток. Погребот на градските гробишта „Бутел“ ќе биде во 11 часот, а од 10 часот е предвидена комеморацијата во капелата во „Бутел“.

Николиќ почина синоќа околу 22 часот, ненадејно и без претходни здравствени проблеми. Имаше само 38 години, во својата богата кариера запиша близу 190 настапи во дресот на македонската репрезентација, а беше дел и од двата најголеми клуба кај нас, Кометал Ѓорче Петров и Вардар.