Лазаров направи една промена за мечот против Романија (ФОТО)

20 јануари 2026 - 17:06

Македонската ракометна репрезентација денеска од 18 часот го игра последниот меч од групната фаза на Европското првенство (ЕП), а противник ќе биде селекцијата на Романија.

Селекторот Кире Лазаров направи една принудна промена, односно на местото на повредениот Петар Атанасијевиќ се најде Гоце Ојлески кој беше дополнително повикан за настап.

Исто така, во составот се наоѓа и Иван Џонов кој се опорави од повредата и ќе може да ѝ помогне на Македонија.

Натпреварот меѓу Македонија и Романија се игра од 18 часот.