Стоилов: Ние сакаме да победиме кога играме видео-игри, не пак со Барселона!

И Вардар и Барселона влегуваат во седмото коло со по 10 бода, на првите две места во групата, затоа јасно е дека овој меч може да значи многу во расзврската на врвот. Играчите се свесни за тоа и се потпираат на домашната публика за вредни два бода.

„Нѐ очекува натпревар со Барселона, натпревар за прво место во групата. Кога ги извлекоа групите многу од нас мислеа дека Барселона е фаворитот и се уште е така, според мене се и фаворит за освојување на ЛШ. НО тоа не значи ништо, тие знаат дека ги очекува пекол, не им е сеедно што ќе играат тука. Тоа нас не не допира, ќе одиме на победа.“, најави Стоилов.

Во минатото Вардар и Барса одиграле неколку тензични натпревари со тесен резултат и со многу емоции. Стоилов вели дека веќе се доволно искусни за да не им влијае нервозата, но дека мотивацијата им е неизмерна.

„Голем дел од екипата која во минатото ја победи Барселона се тука. Сезонава наспроти сите очекувања нам ни оди добро. И новите ракометари кои дојдоа видоа дека има победнички менталитет. Кај нас во клуб сакаме да победиме кога играме видео-игри, камо ли на натпревар. Мислам дека ќе решава борбеноста, дали ќе дадеме се од нас, а за нервозата, веќе сме со години во ова, нервозата не претставува проблем“, додаде Стоилов.

Натпреварот се игра в недела во 17 часот.