Mиовски по хет-трикот: Куп натпреварите знаат да бидат незгодни, видовме што му се случи на Реал Мадрид

17 јануари 2026 - 07:20

Maкедонскиот напаѓач, Бојан Миовски изминатата вечер го одигра најдобриот натпревар во дресот на Ренџерс и постигна хет-трик во шкотскиот куп во натпреварот против Анан кој неговиот тим го доби со 5-0.

По натпреварот Миовски секако не го криеше задоволството од одличниот настап.

„Не размислувам посебно на хет-трик, се трудам да работам и да помогнам на тимот, нормално е задоволство да се постигнат три гола“, истакна Миовски.

Истакна Миовски и дека куп натпреварите знаат да бидат незгодни потсетувајќи на поразот на Реал Мадрид од второлигашот Албасете.

„Ваквите натпревари знаат да бидат незгодни. Видовме што му се случи на Реал Мадрид и како испадна од Купот на Шпанија. Сакавме да бидеме офанзивни од самиот старт и да постигнеме брз гол, тогаш работите одат многу полесно“, изјави Миовски.