Дарио Ивановски урна македонски рекорд на 1.500 метри и обезбеди норма за ЕП во сала

31 јануари 2021 - 17:14

Македонскиот атлетичар Дарио Ивановски постави нов македонски рекорд на 1.500 метри во сала со време 3:44,98 и со тоа стана вториот наш атлетичар со обезбедена норма за мартовското Европско првенство во сала кое ќе се одржи во Полска.

После Јован Стојоски, кој ја обезбеди нормата на атлетски митинг во Белград, сега Ивановски оствари време со кое обезбеди 1.088 бодови, што е еден од највредните резултати кои се постигнати во историјата на македонската атлетика, објави Атлетската федерација на Македонија (АФМ).

Ивановски пред две недели имаше извонредно време на 3.000 метри во Белград, кога за 49 стотинки не го урна макеоднскиот рекорд и тогаш остана покус за норма, а сега успева на двојно пократката делница да обезбеди учество на ЕП.

Втора испонета норма за Европско првенство во сала Дарио Ивановски со резултат 3:44.98 во дисциплината 1500м и...

Posted by Атлетска Федерација на Македонија on Sunday, January 31, 2021