Датумот 21.10 за Вардар е магичен – на овој ден и лани шампионот згази во Франција!

Вчера, на 21 октомври 2026 година, Вардар одигра одличен натпревар и го совлада Нант со убедливи 33-27, остварувајќи значајна победа на гостински терен. Македонскиот тим покажа квалитет, цврстина и сигурност, наметнувајќи го својот ритам против францускиот ривал.

Она што ја прави оваа победа уште поинтересна е фактот дека и минатата година, на истиот датум, Вардар се радуваше на француска почва.

На 21 октомври 2025 година, скопјани го совладаа Тулуз со 28-26, во натпревар од групната фаза на Европската лига. Вардар тогаш одигра одлично прво полувреме, во кое создаде предност од седум гола, заминувајќи на пауза со водство од 18-11. Домаќините се обидоа да се вратат во вториот дел, но македонскиот тим ја сочува предноста и стигна до победата.

Интересно е тоа што последните години француските екипи особено му лежат на Вардар и е мошне сигурен кога игра кај нив. На четирите последни гостувања во оваа земја, „црвено-црните“ остварија три победи. Покрај Нант вчера и Тулуз минатата година, Вардар го совлада и Монпелје во 2022 година (28-25), а единствениот пораз го доживеа исто така од Монпелје во април годинава во плејофот од ЕХФ Европската лига (23-33).