Уште еден шок: Алкараз го пропушта и Вимблдон!

Тој имаше одличен почеток на сезоната, освојувајќи го Австралија Опен, но потоа неговите резултати почнаа да се влошуваат и тој се здоби со повреда на зглобот. Минатиот месец објави дека нема да учествува на „Ролан Гарос“, а сега соопшти дека нема да игра ни на Вимблдон, турнир кој го освои двапати во кариерата и на кој играше во финалето минатата година.

„Моето закрепнување оди добро и се чувствувам многу подобро, но за жал сè уште не сум подготвен да се натпреварувам, поради што морам да се откажам од турнирот на трева во Квинс и Вимблдон. Ова се два турнири кои се навистина посебни за мене и многу ќе ми недостигаат. Ќе продолжиме да работиме за да се вратиме што е можно поскоро!“, напиша Шпанецот на социјалните мрежи.

Ова значи дека Алкараз ќе загуби и многу бодови пред крајот на пролетта и почетокот на летото. Неиграњето на „Ролан Гарос“ ќе го „чини“ 2.000, а на Вимблдон уште 1.300 бода, плус 500 од квинс каде лани триумфираше. Најрано би можел да се врати на Мастерсот во Монтреал кој почнува пред крајот на јули.