„Кнезовите“ се во голема криза: Лориен го „попари“ Монако

16 јануари 2026 - 20:52

Монако влезе во резултатска криза, откако денеска загуби од Лориен со 1-3 и тоа беше нивни петти пораз во последните шест натпревари во Лига 1.

Лориен беше поконкретен во нападот и погоди во 38. минута, но ВАР-технологијата ги спаси „кнезовите“ и го поништи голот поради офсајд.

Гостите до водство стигнаа преку Бамба Диенг во 68. минута, а набрзо Ансу Фати успеа да израмни на 1-1.

Монако се надеваше дека може и до пресврт, но вистински шок доживеа во период од 85. до 87. минута кога стрелаа Жан Виктор Макенго и Дерман Карим за конечни 3-1.

Фото: Facebook/FC Lorient