Еден од најдобрите кошаркари во Евролигата обвинет за местење натпревари!

15 јануари 2026 - 20:22

Голем скандал ја стресе Евролигата, откако еден од најдобрите кошаркари на Хапоел Тел Авив, Антонио Блекни беше обвинет дека учествувал во местење натпревари.

„Атлетик“ објави дека е отворена истрага против 20 кошаркари, а меѓу нив е и американскиот бек на Хапоел, кој е еден од најдобрите во Евролигата.

Истрагата е отворена поради сомнежи дека биле наместени резултати во НЦАА-натпреварувањето, но и дуели играни во Кина во период од 2022 до 2025 година.

Блекни оваа сезона игра важна улога во тимот од Тел Авив и во Евролигата постигнува по 13,8 поени, 2,4 скокови и 0,9 асистенции по натпревар.

Фото: Facebook/Hapoel Tel Aviv BC