Исак во Ливерпул израмни негативен рекорд стар 119 години

23 ноември 2025 - 11:36

Фудбалерите на Ливерпул вчера го загубија вториот натпревар во низа во Премиер лигата со три гола  разлика, Нотингем доминираше на „Енфилд“ и славеше со 3-0, а овој натпревар беше само продолжување на очајниот старт во дресот на „црвените“ за Исак.

Швеѓанецот заедно со Вирц и Хуго Екитике пристигна како големо засилување, по долги преговори со Њукасл и за него Ливерпул плати 145 милиони евра.

Сепак, неговиот старт е очаен, доказ за тоа се и бројките. Имено, Исак стана првиот фудбалер на Ливерпул уште од 1906 година и Перси Саул кој како првотимец ги загубил своите први четири натпревари.

Во следното коло Ливерпул го очекува гостување во Лондон против Вест хем.