Спектакл на УФЦ 319 – нов шампион и два нокаута со „вртечки лакт“ во 10 минути (ВИДЕО)

17 август 2025 - 08:54

Настанот во мешани борилечки вештини наречен УФЦ 319 во Чикаго ќе остане запаметен не само по промената на шампионот во средна категорија, туку и по два спектакуларни нокаута со „вртечки лакт“ што се случија еден по друг – редок момент во историјата на ММА.

Во првата од тие борби, Бразилецот Карлос Пратес во последната секунда од првата рунда на спектакуларен начин го нокаутираше Џеф Нил. Само десетина минути подоцна, Британецот Лирон Марфи со идентичен потег – вртечки лакт – го совлада Арон Пико. Со тоа, за една вечер беа забележани два нокаута кои досега во целата историја на УФЦ се случиле само десет пати.

Иако во главната борба на вечерта Хамзат Чимаев со едногласна судиска одлука го симна од тронот досегашниот шампион Дрикус Ду Плесис и ја освои титулата во средна категорија, со 15-тата победа во исто толку мечеви во октагонот.

ФОТО И ВИДЕО: X.COM