„Не разбирам зошто го убија женскиот бокс, не можев да ги гледам солзите на Карина“

03 август 2024 - 10:48

Не стивнуваат реакциите по победата на контроверзната боксерка од Алжир, Иман Келиф против Анџела Карини, па поради тоа се јави и претседателот на Меѓународната боксерска асоцијација, Умар Кремлев.

Алжирката минатата година беше дисквалификувана поради зголемено ниво на тестостерон, но доби дозвола да настапи на Олимписките игри во Париз, а тоа Кремлев смета дека е погрешно.

„Не разбирам зошто го убија женскиот бокс, само спортисти кои ги исполнуваат правилата треба да се натпреваруваат во рингот. Важна е нивната безбедност. Не можев да ги гледам солзите на Карина“, кажа Кремлев.

Битката меѓу Келиф и Карини траеше само 46 секунди.