Македонските кошаркарки во последната секунда загубија од Украина!

09 февруари 2025 - 21:02

Женската кошаркарска репрезентација на Македонија со пораз од Украина ги заврши квалификациите за Евробаскетот, за разлика од претходните натпревари овојпат до самиот финиш се носевме со противникот и бевме поразени со слободни фрлања во последната секунда, конечниот резултат беше 74-72 за Украинките.

Македонија со шест порази од исто толку натпревари ги заврши квалификациите за женскиот Евробаскет. Денеска против Украина пруживме неочекувано силен отпор и малку фалеше да останеме непоразени.

Натпреварот го почнавме лошо Украина првата четвртина ја добисо 22-12, но намаливме во вториот период и на полувремето заминавме со седум негатива, беше 37-30, за домашната селекција. Од 30 поени, Митрашиновиќ и Николиќ реализраа 28, првата даде 17, втората 11.

Македонија најдобро одигра во последниот период кој го добивме со 24-16. Пред крајот успеавме да поведеме со 72-71, но последната минута им припадна на Украинките. При нерешени 72-72 во последната секунда тие добија две слободни фрлања кои ги реализираа и дојдоа до победата од 74-72.

Митрашиновиќ беше најефикасна на мечот, постигна 33 поени, имаше седум скока и седум асистенции, Николиќ реализираше 13 поени. Кај Украина Иагупова постигна 19 поени, имаше и 10 асистенции.

Од нашата група Србија како првопласирана избори место на Евробаскетот, Португалија заврши на второто место, Украина беше трета, а Македонија последна.