ТФТ немоќен во Црна Гора, Херцеговац славеше убедливо

Македонскиот тим одигра далеку под очекувањата, а прашањето околу победникот практично беше решено уште пред паузата.

Домаќинот од самиот почеток наметна силно темпо, ја искористи слабата игра на скопјани и на одмор замина со огромни 21 поен предност (58-37). По враќањето на паркетот, ТФТ се обиде да ја намали негативата и во одредени моменти одигра подобро, но тоа не беше доволно ниту за да се внесе неизвесност во завршницата.

Херцеговац без поголеми проблеми ја одржуваше контролата и на крајот стигна до убедлив триумф, оставајќи го ТФТ со многу прашања по вториот неуспех во групата Б.

Во победничкиот состав најмногу се истакна Рашун Дејвис со 17 поени, додека кај ТФТ најефикасен беше Секој Сила со 15 поени. Страхил Николов го заврши натпреварот со 13 поени.

Скопскиот тим ќе има можност за поправен на следниот натпревар, кога на 9 декември ќе се соочи со екипата на Подгорица.