Новинарка на „Вашингтон пост“: Дајте му бурек на Јокиќ за да не умре од досада!

25 март 2023 - 10:02

Српскиот кошаркар Никола Јокиќ и оваа сезона игра во врвна форма за Денвер нагетс и е еден од фаворитите за МВП-наградата во НБА-лигата, а коментар на дебатата за тоа кој е најдобар кошаркар даде и новинарката на „Вашингтон Пост“, Кендејс Бакнер.

Познатата американска новинарка е фасцинирана од српскиот кошаркар, кој се бори со Џоел Ембид од Филаделфија за нова награда во најсилната кошаркарска лига.

Бакнер е фасцинирана од скромниот Јокиќ, додека легендите во НБА-лигата, тренерите и навивачите се караат кој треба да биде МВП за оваа сезона.

„Јокиќ не се грижи за МВП-наградата, за него дебатата за наградата е чиста глупост. Дајте му бурек со месо пред да се онесвести од досада. Изгледа му е згадено од караниците за тоа кој треба да го добие признанието“, пишува новинарката Бакнер.