Кошаркар на Филаделфија има уникатно хоби – собира пасоши!

30 септември 2022 - 09:02

Кошаркарот на Филаделфија севентисиксерс, Џоел Ембид, кој е меѓу најдобрите во НБА во последните неколку години, продолжи со собирање пасоши на различни држави, дисциплина во која веќе има „постигнато“ хет-трик.

Родениот Камерунец пред неколку месеци официјално стана државјанин на Франција, за која сака да настапи на Летните олимписки игри во Париз во 2024 година, а од пред неколку дена е државјанин и на САД. Клучен во овој процес бил неговиот син.

„Мојот син е Американец, а јас во САД се чувствувам како дома и како благословен што можам да бидам дел од оваа држава, па си реков: Зошто да не?“, изјави Ембид.

Камерунецот со дополнително француско и американско државјнаство настапува во НБА од 2014 година кога на драфтот го избраа „сиксерси“, чиј дрес и понатаму го носи.