„Грабеж“ во НБА: Кошаркар заработува милиони за да го гледа тимот од публика!

05 мај 2024 - 11:44

Талентираниот кошаркар Лонзо Бол во 2021 година пристигна во Чикаго булс од Њу Орлеанс пеликанс, но на паркетот не настапил од јануари 2022 година.

Бол имаше три повреди на коленото и не успеа да заигра за Чикаго, а неговиот татко неодамна кажа дека кошаркарот ќе паузира уште најмалку пет месеци.

Интересно е тоа што Бол досега заработи 20 милиони долари за да го гледа тимот од публика, а очигледно така ќе биде и во следниот период. Плејмејкерот, исто така, активира клаузула во договорот за следната сезона вредна 21,4 милиони долари, а тоа беше очекуван потег, но дополнително го оптерети буџетот на Чикаго за следната сезона.

Кошаркарот беше избран како втор пик на драфтот во 2017 година од Лос Анџелес лејкерс, а во досегашниот дел од кариерата во просек постигнуваше по 11,9 поени, 6,2 асистенции и 5,7 скокови.