Три евролигаши располагаат со повеќе пари од Ц. Звезда и Партизан – заедно!

01 март 2024 - 14:46

Специјализираните за кошарка европски медиуми денеска го објавија буџетите на екипите од Евролигата, кои не се наменети само за плати за играчите туку и за тренерите, вработените во администрацијата, како и за другите аспекти кои го сочинуваат бизнисот, а кои вкупно изнесуваат – нешто повеќе од 400 милиони евра.

Од тимовите во регионот, Партизан сезонава ќе потроши околу 20.000.000 евра со што е дури на 11. место, на кое е изедначен Анадолу Ефес, кого го совлада синоќа во одличната атмосфера на белградска Арена. Црвена звезда, пак, ќе потроши 15,8 милиони евра, со што се подобро само од Жалгирис и Алба Берлин.

Најголем буџет сезонава во Евролигата има Реал Мадрид, што и го оправдува со првото место на табелата. Кралскиот клуб и актуелен европски шампион е единствениот клуб што троши повеќе од 40 милио евра, додека огромните инвестиции во Панатинаикос ги ставија „зелените“ од Атина на второто место со буџет од 35 милиони евра. Армани џинс, пак и Асвел се единствените што потрошените пари не ги оправдуваат со добри резултати, а спротивни примери се Виртус од Болоња и Басконија.

СИТЕ БУЏЕТИ НА ЕВРОЛИГАТА ЗА СЕЗОНАТА 2023/24

Реал Мадрид 42.000.000

Панатинаикос: 35.000.000

Олимпија Милано: 33.000.000

Монако: 27.500.000

Барселона: 26.000.000

Фенербахче: 25.000.000

Баерн Минхен: 24.500.000

Макаби Тел Авив: 22.300.000

Олимпијакос: 22.000.000

Асвел: 21.000.000

Анадолу Ефес: 20.000.000

Партизан: 20.000.000

Валенсија: 18.000.000

Виртус Болоња: 16.000.000

Басконија: 16.000.000

Црвена звезда: 15.800.000

Алба: 15.000.000

Жалгирис: 13.000.000