Македонија по четири години пак ќе има претставник во Евролигата?!

24 мај 2022 - 12:09

Еден од најдобро информираните европски кошаркарски новинари, Арис Баркас, кој е уредник на порталот „Јурохупс“, информира дека следната сезона речиси сигурно ќе има две српски екипи во Евролигата, Црвена звезда и Партизан, каде што ќе се најде место и за шпанска Валенсија за која настапува македонскиот репрезентативец, Ненад Димитријевиќ.

Оваа вест доаѓа и покрај неодамнешниот демант на првиот човек на евролигашката организација, Жорди Бартомеу, а во пресрет на состанокот на акционерите на Евролигата закажан за утре.

„Со Ц. Звезда и Партизан во финалето на АБА-лигата, речиси е сигурно дека последните три места во Евролигата ќе им припаднат на српските клубови и на Валенсија“, напиша Баркас.

Ако оваа информација се покаже за точна, тоа ќе биде првпат по пауза од пет години македонската кошарка да има претставник во најсилното европско клупско натпреварување, не сметајќи ги натурализираните играчи кои настапуваат за нашата национална селекција. Последен Македонец во Евролигата беше Перо Антиќ, кој во дресот на Ц. Звезда последен пат настапи во ова натпреварување во сезоната 2017/18.