Црвено-црните имаат светла иднина: Вардар е јуниорски првак на Македонија!

29 мај 2023 - 09:26

Кошаркарите на Вардар од селекцијата до 18 години го освоија шампионскиот пехар во јуниорското првенство на Македонија, откако во вчерашното големо финале го совладаа тимот на Воднос санс (85-77).

Клучен за триумфот на црвено-црните беше Павел Иванов, со неколку забивања, но и блокади под сопствениот кош буквално го реши натпреварот за златниот медал. Тој средбата ја заврши со 20 поени и 11 скокови, на кои додаде три асистенции и по две украдени топки и блокади, поради што ептен заслужено го доби МВП-признанието за најкорисен играч на турнирот.

Сребрениот тим на Водно Санс беше предводена од Јаничиќ и Ќириловски со по 17 поени, додека во натпреварот за бронзениот медал, Работнички беше подобар од организаторот на завршниот турнир, Феникс 2010 со 77-65.