Атанасов: Одличен почеток на сезоната и нов пехар за МЗТ Скопје!

28 септември 2024 - 22:16

МЗТ Скопје беше подобар од Пелистер со 78-64 во македонскиот кошаркарски Суперкуп, а тренерот Васко Атанасов го освои петтиот трофеј со екипата од Аеродром за помалку од година ипол.

Атанасов беше среќен со победата против големиот ривал бидејќи неговиот тим тргна успешно кон зацртаната цел, а тоа е одбрана на тројната круна.

„Мислам дека ова беше добар меч за гледачите. Сите бевме свесни за тежината на натпреварот. Честитки до моите кошаркари и стручниот штаб за играта. Ѝ благодарам и на публиката за поддршката. Ова за нас беше одличен почеток на сезоната и нов пехар во Аеродром“, кажа Атанасов.