Ред Бул го претстави болидот со кој ќе „лови“ нова титула во Ф1 (ВИДЕО)

16 февруари 2024 - 07:20

Ред Бул официјално го претстави новиот болид за претстојната сезона во Формула 1. Екипата со болидот „РБ20“ ќе се обиде да ги одбрани титулите во индивидуална конкуренција, но и во пласманот на конструктори.

Макс Ферстапен повторно ќе биде прв возач на Ред Бул во 2024 година, додека негов тимски колега ќе биде Серхио Перез.

Новиот „РБ20“ е наследник на феноменалниот „РБ19“ со кој Ферстапен оствари 19 победи во 22 трки во 2023 година, а два триумфи запиша Перез.

„Очигледно дека станува збор за еволуција од минатогодишниот болид, но дизајнерите беа агресивни во некои делови. Деталите се неверојатни“, кажа шефот на тимот, Кристијан Хорнер.