Пирова победа на Ренџерс, Динамо со покер во плејофот од Лигата Европа (ВИДЕО)

На домашен терен, шкотскиот тим го совлада Лудогорец со 1-0, но триумфот нема апсолутно никакво значење бидејќи Ренџерс веќе ги загуби шансите за пласман во плејофот, а му направи штета на противникот бидејќи падна на 25. мест и ќе мора да ја победи Ница во последното коло. Единствениот гол на мечот беше дело на Диоманде во 33. минута.

Македонскиот репрезентативец Бојан Миовски по хет-трикот што го постигна минатата недела, денеска беше резерва и влезе во игра во 64. минута, но немаше посериозен ефект врз играта на Ренџерс.

Убедлив триумф вечерва оствари Динамо кој по трите порази во низа, го прегази ФЦСБ со 4-1 и обезбеди пласман во плејофот од Лигата Европа. Веќе во 11. минута беше 2-0 со головите на Бакрар и Бељо, намали Бирлигеа, но во вториот дел Бељо со својот втор и Куленовиќ во судиското продолжение го поставија конечниот резултат.

РЕЗУЛТАТИ
Рома - Штутгарт 2-0
Брага - Нотингем Форест 1-0
Селта - Лил 2-1
Динамо - ФЦСБ 4-1
Ференцварош - Панатинаикос 1-1
Ница - ГА Иглс 3-1
Ренџерс - Лудогорец 1-0
Салцбург - Базел 3-1
Утрехт - Гент 0-0