Салах ќе добие земјиште како подарок во светиот град Мека
Салах заслужено е избран за најдобар играч во англиската Премиерлига сезонава, а многумина веруваат дека ќе ја освои Златната топка на крајот од годинава доколку продолжи да игра во ваква форма. Освен тоа, Еѓипќанецот би можел да добие и интересна награда во Саудиска Арабија.
Имено, потпретседателот на општината Мека, Фахд Ал-Роуки изјави дека фудбалерот на Ливерпул ќе добие земјиште во овој свет град. На тој начин сака да му оддаде признание на Салах за сето она што го прави за арапскиот народ. Сепак, за да се случи сето тоа, мора и Саудиска Арабија да даде дозвола, но и самиот Мохамед Салах треба да одлучи дали ќе прифати таква награда.
„Доколку нашиот систем дозволи тогаш ќе му подариме земјиште на Салах во Мека. Доколку тоа не се случи, имаме планови во Мега да изградиме џамија во негово име. Конечниот збор ќе го даде Салах со кого наскоро ќе разговараме“, порача Ал-Роуки.
Mohamed Salah is set to be offered a piece of land in Mecca for being an "excellent ambassador for Islam"https://t.co/uz0sk8PFdc pic.twitter.com/KqV1pOkzqf
— B/R Football (@brfootball) April 25, 2018