Реал и без трофеи најмногу пари добива - ова се клубовите кои најмногу заработија

22 јануари 2026 - 16:10

Според годишниот финансиски извештај на ревизорската куќа „Делиот“, Реал Мадрид останува клуб со најголеми приходи во светскиот фудбал и во сезоната 2024/25, и покрај тоа што не ја освои ниту Ла Лига, ниту Лигата на шампионите.

Шпанскиот гигант ја предводи листата со приходи од 1,16 милијарди евра, благодарение на зголемување од 23% во комерцијалните приходи, кои изнесуваат 594 милиони евра.

На второто место е Барселона, со приходи од 975 милиони евра, враќајќи се во топ три по пет години. На третото место е германскиот шампион Баерн Минхен со 861 милион евра, додека актуелниот европски шампион, Париз Сен-Жермен се наоѓа на четврто место со 837 милиони евра.

Ливерпул е прв на листата од англиските клубови кои ги пополнуваат местата од петтото од десеттата позиција, Исто така треба да се каже и дека во топ 10 нема ниту еден италијански клуб што доволно зборува за финансиската разлика во овој момент.

КЛУБОВИ СО НАЈГОЛЕМА ЗАРАБОТКА ВО 2025 ГОДИНА

 Реал Мадрид – 1,16 милијарди евра

Барселона – 975 милиони евра

Баерн Минхен – 861 милион евра

Париз Сен-Жермен – 837 милиони евра

Ливерпул – 836 милиони евра

Манчестер Сити – 829 милиони евра

Арсенал – 822 милиони евра

Манчестер јунајтед – 793 милиони евра

Тотнем – 673 милиони евра

Челси – 584 милиони евра