Откриени детали: Арсенал на Винисиус му ја нуди најголемата плата во клупската историја!

27 јули 2026 - 07:20

Како што стојат работите, иднината на Винисиус Жуниор во Реал Мадрид е неизвесна, а во последниот период најчесто со името на Бразилецот се поврзува Арсенал.

Според пишувањата на Островот, англискиот клуб е подготвен да направи сè за да го доведе во своите редови еден од најдобрите фудбалери на „кралевите“, кој влегува во последната година од договорот со Реал Мадрид.

Дека нешто навистина се случува, покажува и денешната информација на британскиот „Телеграф“, според која Винисиус, доколку се пресели во Лондон, би заработувал околу 470.000 евра неделно. Тоа би била највисоката плата во историјата на Арсенал.

Дополнителен оптимизам за „топчиите“ претставува фактот што Винисиус веќе подолго време не успева да постигне договор со Реал Мадрид за продолжување на соработката.

Бразилецот досега во дресот на „кралскиот клуб“ има постигнато 128 голови во сите официјални натпреварувања.