Мбапе полн со самодоверба: Никој нема да жали за мојот потпис

Иако во текот на есента беше мета на критичарите поради лошата форма, Мбапе си постави високи цели за наредната сезона, а тоа е борба за сите трофеи.

„Никој во Реал Мадрид нема да жали поради мојот потпис. Во 2025 година сакам да ги нападнам сите трофеи, тоа е мојата главна цел“, изјави Мбапе.

Реал Мадрид во Ла Лига ја стигна Барселона, блиску е и до Атлетико, додека во Лигата на шампионите се опорави по трите порази, а на стартот од 2025 година може да го одбрани трофејот во Суперкупот на Шпанија.

Французинот во актуелната сезона одигра 24 натпревари, постигна 14 голови и запиша четири асистенции.