Аломеровиќ, Омерагиќ, Додев, Ангелески и Јанкулов - дебитанти на списокот на Седлоски!

21 мај 2026 - 12:09

Фудбалската репрезентација на Македонија на 29 мај и 1 јуни игра пријателски натпревари против БиХ и Турција, а селекторот Гоце Седлоски денеска го објави списокот на фудбалери за тие два меча.

На списокот има 27 имиња, меѓу кои и петмина дебитанти: дефанзивецот на романска УТА, Дин Аломеровиќ, десниот бек на Вардар, Јанкулов, фудбалерите од средниот ред на Силекс, Анѓелески и Додев и напаѓачот на Вардар, Азер Омерагиќ.

Поради повреда, претстојните два натпревара ќе ги пропуштат Љупче Дориев, Лука Станковски, Егзон Бејтулаи, Марио Илиевски и Димитар Митровски, а поради клупски обврски нема да играат ни Тихомир Костадинов и Андреј Стојчевски. Македонија со БиХ ќе се сретне во Сараево, а со Турција во Истанбул.

СПИСОК НА РЕПРЕЗЕНТАТИВЦИТЕ:

ГОЛМАНИ: Столе Димитриевски (Валенсија), Дамјан Шишковски (Борац Бања Лука), Давор Талески (Вардар);

ОДБРАНА: Ѓоко Зајков (Ајман), Висар Муслиу (Ст. Труден), Никола Серафимов (Левски), Дин Аломеровиќ (УТА Арад), Езѓан Алиоски (Лугано), Јован Манев (Нови Пазар), Имран Фетаи (Шкендија), Себастијан Ерера (Борац Бања Лука), Стефан Деспотовски (ОФК Београд), Дарко Велковски (Вардар), Георгије Јанкулов (Вардар);

СРЕДЕН РЕД: Елиф Елмас (Наполи), Енис Барди (Коњаспор), Бобан Николов (Вардар), Јани Атанасов (АЕЛ Лариса), Агон Елези (Сараево), Сефер Емини (Сондерјиске), Дарко Анѓелески (Силекс), Дарко Додев (Силекс);

НАПАД: Бојан Миовски (Глазгов Ренџерс), Дарко Чурлинов (Коџаели), Елмин Растодер (Тун), Азер Омерагиќ (Вардар), Милан Ристовски (Бохемијанс);

Собирот на македонската репрезентација е закажан за 25. мај во хотел „Хилтон“ во Скопје.