Aлегри го фати Фабрегас за гуша: Ти си детиште и идиот! (ВИДЕО)

Конфликтот избувна во 80-тата минута, кога помладиот стручњак го допре крилниот играч на противникот Алексис Салемакерс, а неговиот многу поискусен колега скокна да го заштити својот играч, за што доби директен црвен картон. На крајот, Фабрегас остана на аут-линијата и дури побара втор жолт картон за белгискиот играч од средниот ред, за подоцна, во соблекувалната, тензијата меѓу Алегри и шпанскиот тренер повторно да ескалира. Новинарите што чекаа на прес-конференцијата го слушнаа тренерот на Милан како му вика на својот колега во ходникот.

„Беа разменети остри зборови, а пцовките беа јасно слушнати. Ти си дете, ти си идиот, ти си дете кое штотуку почнало да тренира“, му рекол Алегри на Фабрегас. Членовите на штабовите на двата тима потоа интервенираа за да ги разделат.

Потоа, пред камерите и на прес-конференцијата, тренерот на Комо му се извини на Милан.

„Само го допрев Салмакерс, но не требаше да го направам тоа. Тоа е неспортски гест. Коментарот на Алегри беше преувеличен, но, како што рече Киву, 'држете ги рацете настрана', особено ако сте тренер. И јас би се налутил. Коментарите по натпреварот секогаш се такви. Се извинувам повторно на господинот Алегри, веќе им се извинив на Лука Модриќ и Мајк Мењан. Се надевам дека ова никогаш повеќе нема да се случи во мојата кариера“, увери Шпанецот.