Реал Мадрид убедливо го совлада храбриот Ваљадолид (ВИДЕО)
Ваљадолид тргна неверојатно, па доби пенал во 13. минута, но него не го искористи Алкараз, а само минута подоцна им беше поништен гол на домаќините по консултација со ВАР-собата. Во 19. минута слична сцена, но и повторно поништен погодок на Ваљадолид.
Во 29. минута конечно Тухами погоди за водство од 1-0 на домаќините, но Рафаел Варан шест минути подоцна израмни на 1-1.
Во второто полувреме следуваше целосен пресврт, откако Карим Бензема со два гола за осум минути донесе убедливо водство за „кралевите“ од 3-1, а конечните 4-1 ги постави Лука Модриќ во 85. минута.
Реал Мадрид е третопласиран во шпанската Ла Лига со 51 бод, односно пет помалку од второпласираниот Атлетико Мадрид и 12 помалку од лидерот Барселона.