Полсен во последната секунда не му дозволи на Баерн да слави титула (ВИДЕО)

03 мај 2025 - 17:28

Фудбалерите на Баерн Минхен во последните секунди од натпреварот со Лајпциг останаа без победа во последните секунди против Лајпциг (3-3), а на тој начин ќе мораат да поечкаат барем едно коло за прослава на титулата.

Не започна натпреварот онака како што посакуваа избраниците на Компани и Лајпциг со два гола во 11-тата и 39-тата минута поведе со 2-0. Со преднст од два гола домаќините заминаа и на паузата.

Резултатски Баерн се врати во игра со голот на Ерик Дајер во 62 минута, а само 46 секунди подоцна веќе беше 2-2, стрелаше Олис.

По израмнувањето Баерн тргна офанзивно по целосен пресврт и по неколку пропуштени прилики Лерој Сане погоди во 83. минута за целосен пресврт. И кога сите се подготвуваа да започне славјето на 32. титула Полсен во последните секунди погоди за 3-3

Во последните две кола Баерн влегува со 76 бода, Леверкузен има 67 и натпревар помалку.

На останатите натпревари денеска најефикасно беше на средбата Менхегладбах - Хофенхајм која заврши без победник 4-4, Штутгарт со 0-1 го доби Сент Паули, додека Унион Берлин и Вердер ремизираа 2.2

Фото: RB Leipzig/X