Обидете се да замислите епско промашување - ова на Деле Али е полошо! (ВИДЕО)

21 јули 2022 - 13:44

За екипата на Евертон, која минатата сезона едвај се спаси од испаѓање од Премиерлигата, очигледно, проблемите не завршиле со летната пауза. Најдобар начин во каква состојба се наоѓа клубот, е да се види епското промашување на Деле Али, на синоќешниот пријателски натпревар против Минесота. 

Минесота го совлада Евертон до 4-0, а избраниците на Френк Лампард не успеаја да постигнат гол и од најголемата шанса на натпреварот. Ја имаше Деле Али, кој успеа да промаши нешто што тешко е и да замислите да го промашите, камо ли реално да ви успее.

Фудбалерот кој некогаш важеше за голем англиски талент, сега има 26 години, а во Евертон дојде од Тотнем на минатата полусезона и се уште нема постигнато гол.

Ова е втор пријателски дуел за „карамелите“ на турнеата во САД, откако загубија од Арсенал со 0-2.