На Роналдињо му се заканува тужба и поради - перење пари

17 март 2020 - 13:18

Поранешниот бразилски фудбалер Роналдињо е во моментов во затвор во Парагвај поради фалсификувани документи, а сега наводно му се подготвува уште една тужба и тоа за „перење пари“.

Бразилските медиуми објавија дека Роналдињо должи два милиони евра за данок поради што му биле одземани пасошите, а исто така и има долгови од дополнителни четири милиони евра на уште неколку места.

Се проверуваат и неговите врски со бизнисменката Далија Лопез, која е обвинета за „перење пари“. Таа го пречекала Бразилецот на аеродромот во Парагвај, а потоа и му го организирала патот до главниот град.

Криминалната организација се обвинува дека „испрала“ 400 милиони евра, а во тоа им помогнал и Роналдињо.