Мечот на кој ќе дебитира Канаваро ќе трае само 20 минути!

23 април 2024 - 07:00

Фабио Канаваро синоќа беше назначен за нов тренер на Удинезе, тоа за него ќе биде прв тренерски предизвик во Серија А, а дебито ќе му биде необично.

Канаваро веднаш почна да работи со тимот, а на клупата ќе дебитира во четврток на меч против Рома.

Интересно, неговиот прв натпревар на клупата на Удинезе ќе биде необичен, односно ќе трае околу 20 минути. Тоа е дуел кој беше прекинат, па во четврток треба да се доигра.

Мечот меѓу Удинезе и Рома ќе се игра од 70. минута, односно од моментот кога на теренот се сруши Ендика и дуелот беше прекинат.

Во моментот кога мечот беше прекинат резултатот беше 1-1.