Го прашаа Мурињо за желбата на Погба да си оди – им одговори „специјално“
Мурињо за светскиот првак Погба посочи дека никогаш од него не слушнал дека е незадоволен во Манчестер, што значи дека останува, но призна дека „живее во темница“ поради постојаните шпекулации за иднината на Французинот.
„Јас не знам дали е тоа точно (дали Погба притиска за трансфер – н.з.). Исто така треба и неговиот менаџер тоа да го каже и тоа на начин каде што ќе можам да го видам и да го чујам. Ако го видам господинот Рајола на телевизија како вели дека играчот сака да си оди, како и тоа дека тој организира за да си замине неговиот клиент, тогаш во ред ќе верувам на тоа. Ама, во моментов јас сум во темница. Единствено нешто што е јасно за мене е дека играчот, никогаш, ама баш никогаш во овој период, не ми кажал дека сака да си оди. Пол се врати од СП и па не кажа дека сака да си оди. И ако не ми кажува дека сака да си оди, тоа е затоа што сака да остане! Тоа е заклучокот, така?“, одговорил Мурињо во свој стил на прашањето за иднината на Погба.