Џерард: Салах е најдобриот фудбалер во светот!

Уште една одлична игра на Египќанецот во дресот на „црвените“ во првиот меч од полуфиналето во Лигата на шампиони против Рома (5-2), откако постигна два гола и имаше две асистенции.

Салах сезонава постигна 43 гола, а тоа е доволно добра причина Џерард да го прогласи за подобар од Кристијано Роналдо и Лионел Меси.

„Никогаш не бил во подобра форма. Тешко е да го споредите со Роналдо и Меси, затоа што тие беа на високо ниво долго време. Сепак, без сомнеж, Салах е најдобар фудбалер во светот во моментов“, кажа Џерард.

Египќанецот продолжува да руши рекорди, па така е единствен фудбалер на Ливерпул, кој дал гол во секоја од последните пет натпревари кои ги почнал, а тоа последен пат му успеало на Џерард пред десет години.