Пет странци не се дел од Вардар, Новак и Битанг треба да дојдат, а има и две засилувања

Вардарци повторно го подмладија тимот, па по заминувањето на Барсегјан и Кировски уште во декември, на денешниот прв тренинг ги немаше ниту Максимов, кој како и Барсегјан не можеше да извади работна дозвола поради неисплатените плати, додека Јуфо и Херанц не се во комбинација за пролетниот дел од сезоната и двајцата воопшто и не беа повикани на собирот.

Денеска на собирот на Вардар недостигнаа и Евгениј Новак и Кларенс Битанг, двајца првотимци и неизоставен дел од тимот, кои утре би требало да се прилклучат на подготовките, сооглед дека имаат резервирани авионски билети за да дојдат во Скопје. Капитенот Горан Попов исто така не беше на првиот тренинг, поради рехабилитацискиот процес и повредата која ја влечеше уште од есеноска.

Засега единствено засилување на Вардар е Бразилецот Жуниор од Македонија ЃП, а во од ќе се бараат други засилувања пред се за крилната позиција.

Од друга страна, тренерот Александар Васоски ќе има млад тим, па на првиот тим се приклучени уште низа младинци, а ќе биде вратен и талентираниот младински репрезентативец Бојан Колевски, кој есеноска се изнадава голови за второлигашкиот лидер на Истокот, Борец од Велес.