Капитенот замина во пензија: Чаир му се поклони на Суат Зендели (ФОТО)

10 ноември 2018 - 14:17

Доскорешниот капитен на чаирски Шкупи, голманот Суат Зендели, како и што најави денеска и официјално замина во фудбалска пензија и се прости од префесионалниот фудбал пред мечот на Чаир во дербито Шкупи – Вардар.

Зендели кој бранеше на 150 мечеви за Шкупи, мина во два мандати со чаирчани, летово играше во Европа, беше поздравен од чаирската публика, а доби дрес и плакета од управата на клубот, во која ќе влезе да работи како функционер веќе од зимава. Зендели уште пред пола месец најави дека е во преговори да добие функција во клубот.

Тој е поранешен голман на Шкендија со која стана првак во 2011, а потоа со Ренова го освои Купот во 2012, а играше во странство за албанска Динамо Тирана и Беса, кипарска Аполонија и романски Виторул. Во Шкупи ја почна кариерата и беше дел од 1999 до 2005, а се врати пред четири години на Чаир.