Грнчаров нема да го води Вардар в недела против Воска!

18 август 2023 - 21:29

Нема да ја водам екипата против Воска, кратко изјави Бобан Грнчаров, тренерот на Вардар, откако јавноста почна да се прашува за неговиот статус во клубот, посебно откако тој на социјалните мрежи напиша „Фала ти мој Вардаре“.

Ова доаѓа по оставката на спортскиот директор Александар Бајевски, кој исто така на социјалните мрежи го објави своето заминување. Грнчаров и Бајевски беа дел од клубот во ланската, најтешка година за клубот од постоењето, кога клубот на крилата на навивачите се избори за враќање во Првата Лига.

Засега, не е познато кој ќе ја води екипата в недела во Охрид против Воска, како и на наредните две кола - вонредното в среда со Силекс и наредниот викенд со Струга.