Ѓурѓевиќ го скрши Тетекс, Ѓуџуфи со два гола за Беласица, а и Пелистер тргна со победа
Долго време мрежите на Алумина мируваа, кога Ѓурѓевиќ во 72-та минута донесе предност, а пет минути пред крајот погоди уште еднаш за триумф над второлигашот Тетекс, па Работнички ја запиша првата победа, откако во воведниот тест меч ремизираше 1-1 со Борец во овој подготвителен период.
Работнички за три дена подготовките ги продолжува во Охрид со вториот дел од оваа фаза на подготовки, а веќе на 27 јануари ја чека следниот тест против Ренова, која од вчера се подготвува на охридското крајбрежје.
Пелистер со 3-2 го победи Деволи на гостувањето во Корча во соседна Албанија, кој беше воведен тест на битолчани на овие подготовки, a веќе за три дена ќе го имаат следниот против Струга Трим Лум, кој требаше да им биде прв подготвителен меч, но поканата од Албанците ја прифатија и со тест-мечевите стартуваа порано од предвиденото.
Беласица со новиот тренер во бившиот македонски селектор Ѓоре Јовановски запиша лесна и убедлива победа со 3-0 против второлигашот Плачковица, во меч на кој блескаше младинскиот репрезентативец Бесарт Гуџуфи, кој постигна два гола, а еден беше дело на Коцев. Ѓуџуфи во Струмица дојде од Вардар и покажа дека ќе биде големо засилување за струмичани, кои на првиот тест зимава загубија од второлигашот Тиквеш со 2-3.