Сопругата на легендата Рушту откри со кои лекови се излекувал голманот од коронавирусот

Рушту заболел токму од Исил, која асимптоматски му ја пренела заразата откако се вратила во САД, а потоа објави со каков пекол се соочил нејзиниот сопруг, кој буквално имал помодрена боја на телото, не јадел, не зборувал, а – едвај дишел. Но, по кризните 72 часа ситуацијата на Рушту се подобрила, а потоа тој бил отпуштен од болница. На крај го победи коронавирусот со два негативни тестови.

„Резултатите на Рушту се негативни и фала му на Бог за тоа. Телото доби имунитет против вирусот, во него сега има антитела после лекувањето и тој пациент понатаму не е заразен. Во оваа битка најважно е секој пациент да биде под постојан лекарски надзор, а многу важно е да му се даваат и адекватни лекови. Рушти добиваше Тамифлу (лек против свински груп – н.з.) и Хидроксихлорохин како антивирални лекови, како и Азитромицин како посебен тип на антибиотик. И плус, тука е задолжителна доза од 1.000 милиграми витамин Ц“, објавила Исил.