АЕЛ не го сака повеќе Маркоски - го дава на заем!

26 јануари 2019 - 12:51

Кипарскиот прволигаш АЕЛ Лимасол не го сака повеќе поранршниот македонски младински и сениорски репрезентаивец Кире Маркоски, па сега овој клуб сака да го даде на заем во некој клуб офанзивниот фудбалер.

Маркоски летоска направи трансфер од својот матичен Работнички во кипарски АЕЛ и потпиша една плус една година, но по само седум месеци, АЕЛ сака да го откачи, што значи дека нема и да ја активира втората година од договорот.

Маркоски е дете на Работнички, а беше член на златната младинска генерација на Македонија, која во 2017 година играше на ЕП во Полска (пет гола на 13 меча за У21). Тој против Норвешка во ноември 2017 година постгна гол во триумфот во пријателскиот меч на Националната Арена „Филип Втори“.

Македонскиот интернационалец на Кипар одигра осум меча и постигна два гола, меѓу кои еден неодамна во кипарскиот шампионат. Член на АЕЛ е и актуелниот младински репрезентативец Давор Здравковски.

Останува да се види дали Маркоски во зимскиот преоден рок ќе го смени клубот, а најтрофејниот макеоднски клуб Вардар сега има опција да го донесе за да ја засили и онака тенката офанзивна линија со фудбалер кој во дресот на Работнички одигра доста импресивни мечеви.