Адеми откри што ќе работи во фудбалот кога ќе заврши со кариерата!

Адеми после збогувањето посочи дека никогаш не помислувал дека ќе си оди од Динамо, сметајќи дека во загрепскиот гигант ќе ја заврши кариерата, но најави враќање во клубот каде ги доживеа најубавите години од животот, без разлика во која улога. Не исклучува можност да се врати и да ја заврши кариерата во Загреб, ама јасно посочи што ќе работи после пензија.

Хрватските медиуми најавуваа функција спортски директор, но Адеми има јасна цел – да биде тренер на Динамо. Веќе и учеше за потребната лиценца и нема сомнение дека нема долго да се чека од неговото завршување на фудбалската кариера, за да седне на кормилото на „модрите“.

„Јасно е како ден дека ова е само довидување, зашто не го завршив тоа што го сакав со Динамо, а тоа е да освоиме европски трофеј. И се надевам дека до крај ќе успеам. Можеби тешко е дека ќе се вратам како фудбалер, многу тешко, но никогаш не може да кажеш – никогаш! А, на која функција се гледам во иднина во Динамо – сакам да бидам тренер!“, рече Адеми.

Ако за нешто жали, бескомпромисниот борец кој за Македонија прифати да игра во 2015 година, а го даде голот на својот кам-бек две години после двегодишната суспензија за допинг, тоа е европски трофеј за кој вели дека ќе го освоеле, ако пред две сезони не им паднеше Вилјареал во четвртфиналето во Лига Европа.

„Јас од дете велев дека сакам европски трофеј со Динамо. И последнивме две-три години верувавме дека можеме да одиме до крај во Лига Европа. Сега сум сигурен дека да не наидевме на тој Вилјареал, ќе отидевме до крај. Никогаш не бевме поспремни од тогаш“, додаде Адеми.