Поразот од Норвешка е исчистен од системот, нов фокус - Холандија! (ФОТОГАЛЕРИЈА)

Македонската ракометна репрезентација не успеа да изненади против фаворитот Норвешка на стартот на Светското првенство (СП), меѓутоа поразот е веќе заборавен и ракометарите сега се насочени со мислите кон следниот противник, а тоа е Холандија.

Ракометарите вечерва го одработија тренингот во „Таурон Арена“, а нивната мисија во утрешниот меч од 18 часот е јасна - триумф за чекор поблиску до следната фаза на СП.

Македонија може да одигра подобро од првиот меч против Норвешка, а тоа го посочи селекторот Кире Лазаров, но и ракометарите кои кажаа дека долго време се подготвувале за Холандија.