Нема потреба за тага: Македонија покажа дека може – Еуро 2024 и СП 2026 да ни бидат цел (ФОТОГАЛЕРИЈА)
ФУДБАЛ
Но, Македонија во овој циклус покажа дека може, дека има иднина и дека допрва треба да очекуваме уште подобри резултати. После победи со Германија и европскиот првак Италија, оваа репрезентација ни донесе многу радости, ја врати вербата во македонската селекција која со години беше загубена, па било каква тага е непотребна.
Фудбалската селекција и фалангата минаа незаборавни моменти уште од Букурешт, па сѐ до Порто и позитивните вибрации треба да останат, зашто оваа генерација не го кажала последниот збор, а најголем дел од неа допрва ќе влезат во најзрелите фудбалски години.
Овој циклус заврши, започнат со пласманот на Еуро 2020, а од утре почнува нов. И целите треба да ни бидат највисоки. Пласман на Еуро 2024 и на Мундијалот во 2026.