ФУДБАЛ
Македонското репрезентативно крило Дарко Чурлинов, кој пред четири месеци имаше животна битка откако фати сепса и лежеше на интензивна нега во Белград, не може да ѝ помогне на Македонија за новата пресметка со Италија, сега во евроквалификациите, но фудбалерот на Барнли сепак се појави на тренинг да им даде поддршка на соиграчите.
Чурлинов беше на списокот на Благоја Милевски, но англискиот премиерлигаш не даде дозвола да тренира, зашто сѐ уште е во фаза на рехабилитација после тешкиот период, но крилниот фудбалер не ги заборави другарите, да им даде барем поддршка за саботната пресметка со „аѕурите“, година ипол после чудото во Палермо и победата во мундијалскиот бараж со 1-0.
