„Ролан Гарос“ ќе прима по 20.000 гледачи на ден, продажбата на билети започнува наскоро

02 јули 2020 - 18:28

Отвореното тениско првенство на Франција ќе дозволи присуство на гледачи за време на грен слемот „Ролан Гарос“ турнир кој треба да се одржи на крајот од септември и почетокот на октомври, објави денеска Француската тениска федерација.

Планот на Федерацијата е Ролан Гарос секој ден да прима до 20 000 гледачи на сите терени, а за подоцнежните фази, кога ќе се играат само на еден или два терени, бројот ќе се намали на 10.000.

На овој начин, Ролан Гарос може да стане првиот официјален тениски турнир со публика на трибините од почетокот на пандемијата Ковид-19, бидејќи во моментот претходно се планира натпреварите да се одржат зад затворени врати. Според организаторите, тие ќе овозможат околу 50-60 проценти од целосниот капацитет за гледачи на тенискиот комплекс.

Тениската федерација на Франција се адаптира на ситуацијата која ја предизвика коронавирусот. Подготвени се протоколи чија цел е да се заштитат навивачите во ова историско издание на Ролан Гарос, стои во соопштението.

Според некои експерти, одлуката на Француската тениска федерација била диктирана од финансиската зависност на организацијата од приходите од Ролан Гарос, поради што биле решени да не го откажат годинашното издание на турнирот, туку да го одржат во подоцнежна фаза.

Ролан Гарос 2020 ќе се одржи во периодот 27 септември – 11 октомври.